أحمد قربان
لاعبي لعبة هيلدافرز (Helldivers) بيعانوا من خطأ فيها يحذف لك بياناتك ويرجعك لاول مستوى (ليفل). المشكلة تحدث للاعبين لما بطارية يد التحكم لجهاز البلايستيشن تنتهي يقوم يحذف الشخصية تبع اللاعب تلقائيا وتصنع اللعبة شخصية جديدة لفلها واحد وتقوم اللعبة بتخزين هذي الشخصية فوق الشخصية القديمة مباشرة.
مطوري اللعبة اعترفوا بهذي المشكلة ووضحوا انها راح تنحل في التحديث الجديد رقم 1.03.
كتب المطور عن المشكلة في موقع اللعبة وقال:
” انمسح لعبك؟ بكل بساطة لا تطفي يد التحكم تبعك!”
حالياً في مشكلة اللاعبين تواجه اللاعبين بحيث ان بياناتهم بتنحذف، المشكلة متعلقة بيد التحكم بحيث انها تفقد اتصالها باللعبة وبعد ماتشبك اليد ثاني اللعبة راح تحمل الشخصية قبل ماتحمل بياناتك المخزنة بالتالي اللعبة راح تظهر لك انها فقدت البيانات لهذا السبب. وغالبا راح تفقد بياناتك لو تركت اللعبة تكمل عملة التخزين.
الشي اللي راح نسويه اننا صلحنا هذي المشكلة بالتحديد و جالسين نحقق في الطرق الثانية اللي ممكن تحذف لك بياناتك من خلال شكاوي اللاعبين. حل المشكلة هذي تبع اليد راح ينزل في تحديث رقم 1.03
الشيء اللي تقدر تسويه حول هذي المشكلة انك تتأكد ان يد التحكم تبعك مشحونة فل لما تبدأ اللعب، لا تبدل الايادي لو كانت بطارية اليد منخفضة، فقط اشبكها بالكيبل وكمل لعبك. واتاكد انك راح تكون على الجسر وكملت عملية التخزين قبل ماتغير اليد تبعك.
اذا واجهت هذي المشكلة اخرج من اللعبة قبل ما تكتمل عملية التخزين، هذا الشيء راح يخلي اللعبة تحمل اخر تخزين موجود وممكن يحل المشكلة، لكن الاكيد ان الحل هذا ماراح يشتغل لو قفلت اللعبة بعد مااكتملت عملية التخزين”
هذي المشكلة معاها كثير من المشاكل اشتكوا عنها اللاعبين مثل نقل ملفات التخزين و لعب الاونلاين الجماعي، و طبعا هذي المشاكل مالها اي علاقة بيد التحكم و مطور اللعبة ماجاب طاريها، مانعرف هل راح يتم حلها في التحديث القادم او لا ومالنا الا ننتظر ونشوف.
واضح ان اللعبة مليانة مشاكل و مشكلة حذف التخزين مشكلة تنرفز صراحة ولو صارت لي ممكن ابطل العب اللعبة ثاني.
اش رايكم المشاكل وبكلام المطور، وهل واجهتم احد المشاكل؟
احمد خالد
بارعة