اليوم جرّبت اصدار خاص بأجزاء هيلو الأولى (بيستخدمون الاصدار اللي نزل باسم Combat Evolved Anniversary على اكس بوكس 360) والثانية والثالثة والرابعة، مع كل أطوار الأونلاين اللي في كل الاجزاء، وجميع المحتويات الاضافية. غير هذا كله، بيسوون تحسينات على الرسومات بما انها ألعاب قديمة. شغل كبير، صح؟
الديمو اللي جربته كان 8 لاعبين، أربعة ضد أربعة، حاول تقتل أكبر عدد ممكن من الاعداء.
أول ما لعبت لاحظت صفاوة اللعبة وجمالها من الناحية الرسومية، ما لاحظت ان اللعبة قديمة. التعديلات اللي سووها كانت في مضبوطة، بحيث ما تقدر تقول على اللعبة انها لعبة جيل جديد، ولكنها في نفس الوقت ما تقدر تقول عليها قديمة.
أما بالنسبة لطريقة اللعب، فكانت بنفس جودة ألعاب هيلو القديمة. اللعب سلس جدًا ولا لاحظت فيه أي تقطيع أو أخطاء تقنية. مشكلة اعادات الاصدار هذي انها غالباً تنزل بأخطاء تقنية مزعجة، لكن من اللي جربته ما شفت أي مشكلة من هالمشاكل. الرهيب من الناحية التقنية، ان كل الأجزاء بتكون 60 اطار في الثانية ودقة 1080p.
من أقوى الأشياء في سلسلة هيلو هو الأونلاين، هيلو من الألعاب اللي طوّرت الاونلاين على الأجهزة المنزلية. كل ألعاب الأونلاين اللي نلعبها الحين ماخذه شي من ألعاب هيلو القديمة، وصارت شي أساسي في ألعاب الاونلاين.
كنت أتمنى اني أجرب طور القصة، مو بس الأونلاين. لكن مثل ما قلت من قبل ان الأونلاين من أقوى العناصر في سلسلة هيلو، فقررت مايكروسوفت انها تخلي الناس يجربون الاونلاين فقط.
بينزل هذا الاصدار من السلسلة في 14-11-2014 حصرياً على اكس بوكس ون.
