محمد الشريف
في طور الأونلاين للعبة هيلو 5 المنتظرة، تم الاعلان عن وجود نظام مشتريات داخل اللعبة (microtransactions)، وهي عبارة عن نظام توفّر لك فيه اللعبة محتوى داخل اللعبة (ممكن يكون ملابس أو أسلحة وغيره) مقابل فلوس حقيقية.
نظام المشتريات في هيلو 5، واللي تسميه اللعبة باسم Requisition System، أو REQ، بنشوفه في أطوار Arena و Warzone داخل أونلاين اللعبة.
بعد كل مباراة أو جيم في هيلو 5، بيجيك نقاط REQ، النقاط هذي تقدر تشتري فيها أسلحة وما شابه. النقاط هذي بتوصلك، بطبيعة الحال، الى مستوى (level) بعده، واذا وصلت لمستوى جديد بيعطونك “حزمة” فيها محتويات مثل أسلحة جديدة وملابس وكذا.
هنا يجي دور المشتريات، بحيث تقدر تختصر على نفسك الوقت هذا وتروح تشتري الحزم هذي بفلوس حقيقية، وتحصل على المحتويات على طول.
الموضوع هذا أثار حفيظة عشاق اللعبة، وانتقدوه انتقاد كبير. رد أحد المطورين الرئيسيين للعبة وقال:
” المحتويات الشكلية (مثل الملابس) هي اللي بيتم استخدامها في طور Arena. سوينا هذا الخطوة عشان نتأكد ان جميع اللاعبين يبدأون بنفس المستوى ولا يصير بينهم فروقات تخرب اللعب وتخل بالتوازن”.
لو تلاحظون، التصريح فقط يتكلم عن طور أرينا، بينما طور وورزون ما جاب طاريه. هذا معناته ان المحتوى الشكلي بيتم تطبيقه على طور أرينا، بينما طور وورزون احتمال ما يشمله هذا الكلام.
عمومًا، وش موقفك أنت من هذا الموضوع؟
احمد خالد
أيمن اليغشي
بارعة
محمد ليلة
