قدرت مجموعة من الهاكر باسم H4LT تسرب نسخة كاملة من حزمة تطوير البرمجيات الخاصة بجهاز الإكسبوكس ون على الإنترنت. وعلى كلام الهاكر أنهم سو كذا عشان يبحثون عن الإبداع و إجراء الدراسات.
الشيء هذا ممكن يسمح لأي مطور برمجيات أنه يسوي تطبيقات معدلة للجهاز في المستقبل. لكن حتى الآن لازم تكون مسجل وماخذ موافقة من مايكروسوفت قبل ما تنزل ألعابك بشكل رسمي. حاليا ما لقوا الهاكر ذولي ثغرة أمنية تخلي المطورين يتجاوزون هالخطوة لكنهم مأملين أن الناس اللي عندهم خبرة في نظام الويندوز 8 يقدرون يحفرون داخل الملفات ويلقون معلومات أكثر. هذا معناته أن أي أحد عنده خبرة ولو بسيطة في تطوير الألعاب يقدر يسوي ألعاب خاصة فيه على الجهاز لكنه يحتاج إذن مايكروسوفت إذا بغا ينشرها ويبيعها.
الخطير في الموضوع أنه ممكن يلاقي أحد المبرمجين ثغرة أمنية يقدر من خلالها يخترق الجهاز بالكامل ويركب عليه التطبيقات والألعاب اللي يبيها بنسخ مقرصنة وينشر هذه الطريقة على الإنترنت.
الظاهر أن الإكسبوكس ون بيلحق أخوه الإكسبوكس 360 اللي إخترق بسهول في بداية عمره مقارنة بالبليستيشن 3 اللي صمد ضد القرصنة وقت أطول. وش رأيكم شباب هل هذا يعني أننا بنشوف ألعاب مقرصنة على الجهاز قريب أو لا؟ شاركونا أرائكم في التعليقات.
