فرح عبدالله
خريطة لعبة H1Z1 راح تكون ضخمه اول ماتفتح للاعبين، حسب كلام جون سميدلي (John Smedley) رئيس الترفية الاونلاين في سوني، وبعدها بفترة قصيرة راح تكون اكبر واكبر.
سميدلي قال ان نظام تعديل الخريطة راح يسمح لفريق المطورين بانهم يضيفون مناطق كبيرة بسرعة بعد مايشوفون كيف الناس يلعبون اللعبة.
كتب سميدلي على موقع ريديت Reddit “في بلانيت سايد 2 PlanetSide غلطنا باننا سوينا عدة قارات قبل ماتكون عندنا فكرة قوية ايش راح ينجح وايش ماراح ينجح. هذي اللعبة مختلفة، راح نسويها بطريقة اذكى”.
“لما نفتح مرحلة الدخول المبكر راح يكون فيه خريطة ضخمة للاعبين عشان يستمتعون. مع الوقت وبسرعه راح يقدرون انهم يكملون لاماكن ابعد من الي وصلولها قبل. هي طريقة مبتكرة، واحنا نعتقد انها افضل طريقة”.
سميدلي يقول ان اللاعب راح يحس نفسه منعزل في اللعبة، بما انه هدفهم ان يكون فيه احساس بالبعد والانعزال في اللعبة، الي يخليك تخاف لما تشوف لاعب ثاني.
يقول ” غريزتك الاولى راح تخليك تختبئ، لو كان حولك 20 لاعب لان البيئة الي انت فيها ماتقنعك بالخروج. يعني بيئة الزومبي مارح تكون مسلية مثل ديزني لاند في اجازة الربيع وفيها ناس كثير.
“طيب، كم عدد اللاعبين في كل خادم؟ محد يدري. كل مانضيف اراضي جديده يزيد عدد اللاعبين الي يشيلهم الخادم. احنا متحمسين. وعندنا زومبيز كثير عشان تقاتلهم. راح تشوف منهم جماعات… ايوه راح تشوفهم”.
سميدلي قال بداية هذا الشهر ان H1Z1 راح تكون متوفرة للعب قريبا، عشان كذا كثير يعتقدون انها راح تكون في مؤتمر سوني في لاس فيغاس في اغسطس 14-17.
لكم مؤتمر E3 2014 راح يكون في شهر جون، ونتمنى انها تكون متوفرة في المؤتمر.
H1Z1 راح تنزل اول على البي سي مع دخول مبكر ب20 دولار. اللعبة الكاملة راح تكون مجانية للعب.
أيمن اليغشي
بارعة
احمد خالد
