فرح عبدالله
كشفت سوني عن مشروعها القادم، الي هو لعبة اونلاين ضخمة ومتعددة اللاعبين اسمها H1Z1. جون سميدلي (John Smedley)، رئيس الترفيه الاونلاين في سوني (SOE) قال في تغريدة ان اللعبين راح يلعبون اللعبة قريباً.
على كلام سوني، تقول ان اللعبة مجانية، تشوف فيها اللاعبين “يكافحون من اجل النجاة” في عالم مدمر بسبب فيروس خيالي اسمه H1Z1. احداث اللعبة تكون بعد 15 سنة من انتشار الفيروس. راح يواجهون فيها اللاعبين حيوانات مصابة بالفيروس، وناجين اخرين من الفايروس. اللعبة راح يكون فيها تجميع وتصنيع للعناصر.
سميدلي وصف اسلوب اللعبة ب “صندوق رملي” (SandBox) او العالم المفتوح، مع امكانية للاعبين بأنهم يسوون ملاجئ وحصون.
سميدلي رد على الاسئلة الي تقول كيف راح تكون هذي اللعبة مختلفة عن العاب “النجاة” الثانية، قال:
“انها لعبة MMO ثابتة راح تتضمن آلاف من اللاعبين على سيرفرات احنا نستضيفها، (ايه راح يكون فيه عدد من السيرفرات مع مجموعة من القوانين المختلفة). ليش هذا يعتبر شي كويس؟ عشان راح يكون فيه اقتصاد مزهر (ايوه اللعبة فيها تجارة). يعني راح يكون عندك حلفاء محتملين في هذي الحرب الكبيرة ضد المصابين، وراح يكون عندك اعداء كثير.نظام الخريطة الي بنيناه لبلانيت سايد 2 (PlanetSide) راح يكون مستخدم بشكل واسع عشان نربط الميزات الي نشتغل عليها والاشياء الي انت ممكن تتوقعها ومتى.
الشي الرئيسي الي يميز H1Z1 عن الالعاب الثانية الجيدة الي من نفس النوع، هو التركيز على ملكية اللاعب وبناء اللاعب. نبغاك تكون قادر على تكوين عصابة يكون مركزها الرئيسي في مستودع في مكان مهجور انت استوليت عليه، او في بيت انت بنيته بعد ماقطعت اشجار وجمعت المصادر عشان تبنية.”
شكلها لعبة رهيبة وعالمها كبير تستمتع فيها وتكتشف قدراتك عشان تبقى على قيد الحياة.
احمد خالد
أحمد عصام
