أحمد قربان
كلنا نكره الغشاشين ونبغا يكون عقابهم اسوأ عقاب، مطور لعبة قيلد وارز 2 (Guild Wars 2) عاقب احد الغشاشين بعقاب يشفي الغليل، العقاب تم عن طريق دخول المطور لشخصية اللاعب الغشاش و رمى كل دروعه، بعد ما رماها قفز بالشخصية من مكان عالي و قتلها، وبعد ماقتلها حذف الشخصية من اللعبة و ايضا الشخصيات الثانية اللي عند نفس اللاعب.
الاخ اللي كان جالس يغش اشتكوا عليه الناس في موقع اللعبة الرسمي للشكاوي و الاستفسارات، المشكلة ان الاخ الغشاش ماكان يغش لكسب الفلوس او ان حاله حال نفسه، اللاعب كان يغش في اللعب التنافسي الاونلاين وهذا الشيء بيأثر على كل اللي معه بالسيرفر، بعد فترة من الشكاوي احد اللاعبين رفع مقطع يثبت غش اللاعب الغشاش.
الشكاوي استمرت لمدة اسبوعين بدون اي تجاوب من المطور وبعدها اكد عن وجود المشكلة كريس كليري (Chris Cleary) المسؤول عن الامان في اللعبة.
كتب كريس: “احنا مانحتاج اننا نشوف بنفسنا هذا الغش في سيرفراتنا، احيانا دليل قوي و مدعم بمقطع فيديو يكفي بالنسبة لي لتتبع الشخص اللي غش ومحاسبته، في هذي الحالة المقطع كان كافي بالنسبة لي لكشف الشخص الغشاش ولاتخاذ القرار المناسب، شكرا للمقطع و لمشاركتكم في المقاطع اهديكم المقطع التالي اللي يوضح اللحظات الاخيرة من حساب اللاعب الغشاش”
المقطع اللي رفعه المطور لعقاب اللاعب الغشاش:
في حال ما فهمت الفيديو: مطوّر اللعبة يسجل الدخول بحساب اللاعب الغشاش ويلعب بلاعبه، ويفصخ منه دروعه وملابسه ويطلع فيه الى مكان عالي في وحدة من بلاد اللعبة الرئيسية (عشان يشوفونه الناس) وبعدها ينتحر! بعدها يرجع للقائمة الرئيسية ويمسح حساب اللاعب.
واضاف كري ان اللاعب راح يتم حظر حسابه عن طريق اعطاءه باند (Banned).
صراحة عقاب فنان و اهني كريس او الشخص اللي جاب فكرته، اتمنى يطبقوه في باقي الالعاب اللي يكثر فيها الغش.
كيف العقاب؟ 🙂
أيمن اليغشي
بارعة
محمد ليلة
