بتنزل نسخة البي سي من لعبة جراند ثيفت أوتو 5 بعد اسبوع تقريبا، واذا كنت تتسائل عن النسخة الفيزيائية (ديسك) فالأجابة هي… 7 ديسكات! هذي صورة متسربة:
ظهرت صورة بموقع Reddit فيها العلبة حق نسخة البي سي ومن الصورة ظاهر 7 ديسكات! طبعا في احتمال ان الصورة ماهي صدق لكن برضه ظهر شئشي ثاني يأكد هذا الخبر وهو تغريدة فيها صورة و من الصورة بنشوف مجموعة من نسخ حق اللعبة الي بأحد المخازن و العلبة شكلها نفس الي بالصورة الأولى.
اذا طلع الخبر صحيح بيكون لاعبين البي سي عندهم خيارين، اما تحميل اللعبة بنسخة رقمية بحجم كبير الي هو 60 جيجا تقريبا، او شراء النسخة الفيزيائية (ديسك). وعلى طاري GTA V، التحميل المسبق (Pre-load) حق اللعبة الان صار مفتوح في ستيم.
سبع ديسكات.. وش رأيكم؟
