بعد ما أعلنت بعض المتاجر الاسترالية انها ما راح تبيع اللعبة المشهورة Grand Theft Auto V، صرّح المدير التنفيذي Karl Slatoff تصريح ناري أثار ضجة، بحيث قالها وبصريح العبارة ان اللي ما تعجبه اللعبة بسبب محتواها العنيف أو غيره، بكل بساطة لا يشتريها.
أولاً، كارل انتقد متجر Target و Kmart في استراليا بسبب عدم بيعهم للعبة، ووصف عملهم بأنهم حرموا المستهلكين من حقهم في انهم يشترون اللعبة. يقول:
” شي مفهوم ان الشخص ما يبغى يشتري شي معيّن لانه ما يبغاه، اذا ما أعجبتك شي معيّن ولا تبغاه، فلا تشتريه. لكن أما مجموعة من الأشخاص (يقصد المتاجر اللي منعت بيع اللعبة) يحاولون يقررون عنك وش تشتري ووش ما تشتري…”
” لعبة جراند ثيفت أوتو 5 باعت 34 مليون نسخة حول العالم، ولو هالمتاجر سوّت حركاتهم هذي من قبل، ما كان شفنا أحد قدر يشتري اللعبة. هذا شي يخالف حريّة الاختيار بشكل كامل. هذي حريّة تعبير، واذا حاولت تصادر مني الحق هذا فهو أمر خطير”.
أخيرًا، قال كارل ان فيه متاجر ومحلات ثانية تبيع اللعبة.
يبدو ان كارل من جد زعلان ومتنرفز من اللي صار. وش رأيك بتصريحه؟
