اعلنت سوني أخيراً عن الاضافة الاخيرة لذا لاست اوف أس (The last of us) بأسم Grounded Bundle، وبيكون فيها تروفيز جديدة ومحتويات جديدة لطور القصة وطور تعدد اللاعبين.
اكثر شيء تكلموا عنه هو مستوى الصعوبة الجديد Grounded Mode، الذكاء الاصطناعي تطور يعني الاعداء صاروا اكثر قوة ووحشية، على كلامهم ان تروفي “Completed Grounded Mode” راح يكون اصعب تروفي تحصل عليه بحياتك.
فيه برضه Reclaimed Territories Map Pack اضافة لطور تعدد اللاعبين، راح تحتوي على اربع خرائط بمناطق مختلفة، راح يكون فيها ميزات التسلل والقنص والتخطيط مع اخوياك يعني بتكون ممتعة جدا، وبيكون فيها تروفيز.
بيكون فيه مهارات جديدة بالإضافة لأربع اسلحة Specter, Double Barrel, Enforcer, and Launcher. المهارات الجديدة راح تكون عبارة عن تطوير لسرعة والتسلسل وإعطائك ميزات مثل ذخيرة اكثر او انك تقدر تشوف اعدائك بشكل اسرع، وزيادة قوة بعض الاسلحة والحصول على موارد اكثر.
طبعا بعض الميزات بتكون خاصة باللي عندهم سيزون باس (season pass) اذا مو مشترك فيه فأنصحك تروح وتشترك لأنه راح يوفر عليك كثير، بيكون متوفر الى 13مايو.
اضافات كثيرة واغلبها لطور تعدد اللاعبين وأضافة واحدة لطور القصة وهو اللي يهمني، مع اني مالعبتها بأعلى صعوبة بس مع زيادة الذكاء الاصطناعي نفسي اشوف إيلي تعدي من جنب كليكر او أي عدو وينتبه لها، جد ياخي.
وش اكثر شيء متحمس له بالإضافة الجديدة؟
