محمد الشريف
تم الكشف عن ميزة جديدة في نسخة جراند ثيفت أوتو 5 على أجهزة بلاي ستيشن 4 واكس بوكس ون وبي سي، وهي ميزة منظور الشخص الأول.
بيكون بامكانك تلعب اللعبة من منظور الشخص الأول لأول مره، وهذا فيديو أطلقوه يعرضون لك كيف بتشتغل الميزة الجديدة:
طور منظور الشخص الأول بيكون فيه خيارات، منها انك تقدر تحط aim assist (يساعدك في التصويب بشكل أفضل) أو و free aim (مافيه مساعدة اطلاقاً) و semi aim assist (مساعدة تصويب بسيطة). بيكون برضه عندك الخيار ان اللعبة تصير منظور شخص ثالث اذا احتميت ورا جدار أو سيارة وغيره. تقدر تدخل الطور هذا من خلال ضغطك على زر اللمس touch في يد بلاي ستيشن 4.
بالنسبة لكلام المطوّر، يقول مخرج الأنميشن للعبة: “من زمان وحنا مهتمين بهذا الشي، لكن ما قد جاتنا الفرصة اننا نسويها. ما أتوقع كان عندنا القدرة اننا نسوي هذا الشي في الجيل اللي راح، لاننا كنا مشغولين مره بتطوير اللعبة كلعبة منظور شخص ثالث. الذاكرات العشوائية للأجهزة القديمة ما كانت بتحتمل كل هالأشياء”.
أما من النواحي التقنية، فاللعبة بتشتغل 30 اطار في الثانية على بلاي ستيشن 4، ونسخة البي سي راح تدعم دقة عرض 4K.
وش رأيك في الاعلان المفاجئ؟
احمد خالد
بارعة
أيمن اليغشي