تم إطلاق عرض دعائي جديد للعبة MORTAL KOMBAT X للشخصية الكلاسيكسة Goro بمناسبة قرب صدور اللعبة في أقل من أسبوعين من الآن.
العرض دموي اكيد في النهاية هذه مورتال كومبات والشخصية نفسها متوحشة بزيادة لذلك أنصح اللي يأكل أي شيء يأجل مشاهدة العرض لين ما يخلص بالعافية ( أحس أني بالغت شوي مو ^_^ ). إستمتعوا بالفيديو:
شخصية قورو بيكون عنده ثلاث أساليب قتال مختلفة زي باقي الشخصيات وهي:
- أسلوب Tigrar Fury: هذا الأسلوب يركز على الهجمات البعيدة ويخلي قورو يطلق كورة من النار أو ينفث نار من فمه.
- أسلوب Kuatan Warrior: هذا الأسلوب يركز على الهجمات الأرضية والهجوم المباشر.
- أسلوب Dragon Fangs: هذا الأسلوب يركز على إستخدام مخالب قورو الحادة للهجوم.
للاسف طريقة الحصول على شخصية قورو قلق شوي لازم أنك تسوي طلب مسبق للعبة إذا تبي تاخذه ببلاش وهذا الشيء اللي سويته أنا أو أنك تنتظر لين ينباع بعدين بشكل مستقل كمحتوى إضافي.
اللعبة خلاص باقي عليها أقل من 10 أيام وتنزل إن شاء الله بشكل رسمي مع إني قريت كلام اليوم أنها تسربت في الإمارات ومتوفرة للبيع الآن لمن يهمه الأمر.
