أحمد قربان
بعد الاعلان عن النسخة المحسنة من لعبة قاد اوف وار 3 (God of War 3) على اجهزة البلايستيشن 4 واللي كتبنا عنه في الموقع، عشاق اللعبة احبطهم الخبر لانهم كانوا ينتظروا جزء جديد على الاقل و بشكل عام ملاك اجهزة بلايستيشن 4 اكتفوا من النسخ المحسنة على جهازهم.
ستديو سوني سانتا مونيكا (Sony Santa Monica) المطور لسلسلة قاد اوف وار وضح انه يتفهم الشكاوي هذي لكنه وضح اهمية النسخ المحسنة (Remastered) على جهاز البلايستيشن 4.
قال رئيس مجتمع اللاعبين ارون كوفمان (Aron Kaufmann): “اعادة اصدار قاد اوف وار 3 بشكل محسن راح يفتح الابواب للاعبين جدد ماقد جربوا لعبة قاد اوف وار 3 لما نزلت قبل 5 سنين. احيانا الناس ينسوا اهمية اننا نضيف لاعبين جدد للسلسلة، كل ما زاد عدد اللاعبين اللي يلعبوا السلسلة كل ماكان هذا الشيء افضل للجميع”
كلامه منطقيا صحيح خصوصا بعد احصائية سوني حول لاعبين بلايستيشن 4 وان اغلبهم ماكان عندهم بلايستيشن 3. لكن شخصيا اشوف انهم لو يطوروا لعبة جديدة افضل، وايش المانع ان ناس ماقد لعبوا السلسلة انهم يشتروا جزء جديد لها؟ مافي اي مانع في نظري وهو مجرد عذر تخديري من ارون.
وش رأيك في الرد؟
أحمد عصام
