حسب مجلة Game Informer المعروفة، اللعبة الجاية لمطوّري لعبة بوردرلاندز Gearbox بيكون اسمها Battleborn، وهذي صورتها.
أما بالنسبة لوصف اللعبة فهي بتكون لعبة تصويب منظور أول مخلوطة مع عناصر آر بي جي مثل تجميع الأشياء اللي حولك وكذا (looting)، تقدر تقول نفس طريقة بوردرلاندز.
الرهيب في اللعبة انها بتزل على أجهزة الجيل الجديد بلاي ستيشن 4 واكس بوكس ون وبي سي. بتكون اللعبة طور تعاوني الى خمس أشخاص، وبيكون فيها طور تنافسي خمسة ضد خمسة، وبيكون أبطالها مميزين مثل لعبة Dota 2 على البي سي، حسب كلام المجلة. عالم اللعبة بيكون مستقبلي.
فيه فيديو أطلقوه للعبة، تقدر تشوفه هنا:
يقول راندي بيتشفورد، رئيس استديو تطوير جيربوكس، ان هذا المشروع هو “المشروع الأكثر طموحاً” للاستديو على الاطلاق.
وش رأيكم في الاعلان؟ تتوقعون هذي بوردرلاندز حقت الجيل الجديد؟
