مشهور الدبيان
مثل ما عودناكم كل سنة بنكون متواجدين ان شاءالله في معرض Gamescom (جيمزكوم) – ثاني أكبر معرض ترفيه الكتروني في العالم بعد E3 – ننقل لكم تجاربنا وآرائنا عن المنتجات والالعاب اللي نجربها هناك في المانيا.
الفرق هالمرة انه 4 من فريق العمل بيسافرون للمعرض، وان شاءالله هالشي بيساعدنا نجرّب أكبر قدر من الالعاب الموجودة هناك.
المعرض بيبدا في 15 اغسطس وينتهي في 19 اغسطس.
تغطيتنا لمعرض Gamescom بتكون عن طريق:
- مقاطع الفيديو في قناتنا على اليوتيوب، مثل ما سوينا في معرض E3 وأكثر ان شاءالله.
- حلقات خاصة من البودكاست.
- تحديثات منوّعة على صفحاتنا في فيسبوك وتويتر
معلومة مهمة جداً لازم نوضّحها قبل ما نسوي التغطية. تغطيتنا – كالعادة – ما راح تكون اخبارية. بمعنى انه نبي نركّز على التحليل والنقاش ونقل انطباعاتنا وتجاربنا في المعرض، مو نقل الاخبار في لحظتها، لان هذي مواقع كثير تسويها.
يعني اول يوم اذا ما شفت او سمعت مننا شي معناتها اننا نبذل اقصى جهودنا في المعرض عشان نجرب كل شي نقدر عليه، عشان تكون عندنا المعلومات الكافية اذا جينا نسجّل انطباعاتنا في اليوم التالي.
وبتشوفون مننا اللي يسرّكم ان شاءالله 🙂
Saudi Gamer
احمد خالد
