الرهيبين نِك (Nick) وجين (Jen) قرروا يتزوجون على الطريقة الجيمرية، وعلى طريقة اللعبة المعروفة وورلد أوف ووركرافت (World of Warcaft).
الزوجين تعرفوا على بعضهم في الحياة الصدقية، ماهو عن طريق لعبة. لكن تطوّرت علاقتهم عن طريق لعبهم المتواصل للعبة وورلد أوف ووركرافت. بعد ما تطوّرت العلاقة وقرروا انهم يتزوجون، قدروا يتخذون قرار رائع وهو انهم يصممون زواجهم كأنه من عالم اللعبة نفسها.
كل الأشياء اللي تشوفها في الصورة تم تصميمها من عالم اللعبة، الطاولات والأسلحة وحتى الأعلام الموجودة. هذي بعض الصور عشان نحمسكم شوي، عسى واحد فينا يكسر الروتين حق زواجاتنا المتكررة، واللي كل اللي تسويه فيها انك تلبس البشت وتوقّف طول الليل والناس يسلمون عليك بالطوابير الين ما يتصلب ظهرك ويصير كأنه خشبة مكنسة، حتى زوجتك ما يمديك تطالع فيها من التعب 🙂
أما النسبة لزواجي، فراح ألبس لبس بيق بوس وأتأخر على الزواج بالعاني، بعد ما يلاحظ الحضور اني ما جيت تطفي الأنوار فجأة ويشتغل نور واحد موجّه علي وأنا طالع من فتحة مكيّف وفي فمي سيجار كوبي Cuhiba، أول ما أطلع من فتحة المكيف أنفض الغبار من ملابسي وأنفخ السيجار وأقول بالنبرة البيق بوسيّة: Kept you waiting, huh؟ 🙂
لو حصل لك الفرصة انك تخلي زواجك جيمري، وش الطريقة اللي بتخلي زواجك فيها، ومن أي لعبة؟
