محمد الشريف
انتهى شهر من أهم الشهور عند اللاعبين، ونزلت فيه الكثير من الألعاب الرهيبة اللي استمتعنا فيها، وبرضو نزلت فيه ألعاب أحبطتنا.
من أهم الألعاب اللي نزلت هذا الشهر كانت أساسنز كريد 4 (Assassin’s Creed 4: Black Flag)، اللعبة اللي يحبها اللاعبين ويكرهها، ولها آراء كثيرة تختلف من شخص الى شخص. كثيرين يقولون:” ياخي هاللعبة تنزل كل سنة!” ولا أنكر اني منهم، ولكن السنة هذي يوبيسوفت أبدعت في هذا الجزء، ولا نقدر ننكر هذا الشي.
الجزء الرابع من أساسنز كريد، كان رائع من نواحي كثيرة. تفاجأنا بمستوى اللعبة، وانها على الرغم من أنها كل سنة تنزل، الا انها قدرت تقدّم عناصر جديدة كثيرة للسلسلة. عالم جديد كلياً، شخصية جديدة، قصة جديدة، عناصر جديدة في طريقة اللعب، وغيرها الكثير! قريت تقييمنا للعبة؟ ترا يقولون مستوى الرهابة يزيد تلقائياً اذا قريت التقييم وشاركت بالردود. ما ندري عن مصداقية هذا الكلام، ومالك الا تسويها بنفسك وتقولنا وش صار معك 🙂
وش كانت أكثر لعبة استمتعت فيها هذا الشهر؟ شاركنا برأيك في التعليقات!
فيديو اللعبة
أيمن اليغشي
بارعة
