أكثر لعبة استمتعنا فيها هذا الشهر (يونيو 2014)

شهر يونيو من الأشهر اللي ما قدرنا نلعب فيها شي كثير، بما انه شهر فيه أكبر حدث في ألعاب الفيديو، معرض E3.

غير كذا، عادةً منتصف السنة تعاني من نقص الألعاب. كثير من الجيمرز اللي أعرفهم يستغلون هالفترة ويلعبون الألعاب اللي راحت عليهم.

في هذا الشهر نزلت لعبة مفاجئة وكانت مفاجأة من الطراز الممتاز. ماحد توقع ان اللعبة بتكون بهذي الجودة، خصوصاً وانها من استديو جديد وهذي أول لعبة لهم تقريباً، ولو ان الاستديو احتوى على مطوّرين قدماء في مجالهم.

شوفل نايت من الألعاب اللي تتبع الأسلوب الكلاسيكي بشكل جميل، بحيث تحكمها سهل جداً مافيه أي فلسفة، والصعوبة موجودة في اللعبة نفسها وبشكل معقول مقنع، عكس الألعاب اللي اذا قلت لها أبغى مستوى صعب تروح ترمي عليك مليون عدو ضرباتهم قوية وخلاص. هذا غير الموسيقى الرهيبه اللي فيها، واللي تم تأليفها وتلحينها من صاحبنا وزميلنا من الكويت محمد طاهر.

كل هذي الأسباب خلتنا نختار لعبة شوفل نايت كأكثر لعبة استمتعنا فيها الشهر، ونتمنى نشوف نجاح شوفل نايت في كل مكان في العالم.

وش أكثر لعبة استمتعت فيها هذا الشهر؟