محمد الشريف
وين تقييم هاللعبة؟ شغّالين عليه بقوّة، لدرجة اننا تاركين كل الألعاب الثانية وشدينا حيلنا في هذي.
لعبة داينق لايت، لعبة فاجأتنا بمستواها الرائع. شخصياً، كنت ناوي أكتب انطباع أوّلي عنها بما انها نزلت قبل كم يوم، والشركة الأم اللي تنشر اللعبة ما أرسلت نسخ تقاييم، حتى للمواقع الغربية. هذا شي أثار شكوكي حول اللعبة، لان هذا القرار عادةً معناته ان الناشر غير واثق في منتجه، لذلك قرر يأخّر تقييمات اللعبة قدر الامكان.
لكن الوضع يختلف مع داينق لايت، الناشر سوّا هالحركة الغريبة ولا أحد يعرف ليش. المهم ان اللعبة طلعت أفضل بكثير من توقعاتنا، لدرجة اني أقضي كل وقتي الجيمري معها.
لعبة داينق لايت عالمها رائع، لو أقولك عالم مفتوح وفيه زومبيز غالباً بتقول: وش الجديد في الموضوع؟” لكن اللعبة مضبوطة من هالناحية، شفنا ألعاب زومبيز كثير لكن هذي متميّزة بينهم.
في النهار تقدر تطلع برا وتسوّي المهمّات الرئيسية أو الفرعية، وتبحث عن مواد تساعدك في البقاء على قيد الحياة، أي شي ممكن يساعد: علاجات طبية، أسلحة، وغيره.
طريقة التنقّل في اللعبة أفضل مافيها، اللعبة مبنيّة على parkour هي طريقة تنقّل سريعة، تركض الشخصية وتستخدم التسلق السريع، بحيث تلاحظ انك تركض في العالم بسرعة وتنط فوق الجدران والبيبان بشكل سريع، وتقدر تتسلق أشياء أعلى من كذا.
من الأشياء الجيّدة في اللعبة انك تحتل العالم، بحيث تلقى safe zone أو مناطق آمنة، تقدر تدخل هالمنطقة وتذبح الزومبيز اللي فيها وتشغّل الكهربا وتقفل البيبان وخلاص تصير منطقة آمنة لك، تقدر تنام فيها وتغير أسلحتك وتبيع وتشتري، وغيره من الأشياء اللي تساعدك في البقاء على قيد الحياة في هالعالم.
من الأشياء الرائعة برضه، وهذا شي نادر تلقاه في ألعاب العالم المفتوح، انك المهمات الرئيسية غالباً ما تعارض مع العالم. أقصد بكلامي هذا ان ألعاب العالم المفتوح غالباً اذا بدأت مهمة رئيسية، تاخذك في مكان وتقفل عليك، وتضطر تلعب الين ما تخلص المهمة بالكامل بعدين يرجعونك للعالم.
الأمر هذا يختلف مع داينق لايت، أغلب المهمات اللي لعبتها كلها تخليني في العالم نفسه، بحيث أقدر في أي لحظة أترك المهمة الرئيسية اللي ألعبها وأروح أسوي مهمات ثانية، أو أي شي أبغى أسويه.
أخيراً، اللعبة فيها عيوب طبعاً، لكني ما نبغى نكتبها الآن عشان نخليها للتقييم، منها نشارك معكم رأينا بالكامل.
لعبة داينق لايت، هي أول لعبة تاخذ أكثر لعبة استمتعنا فيها هذا الشهر قبل لا ننتهي من اللعبة ونقيّمها حتى. نزلت اللعبة في نهاية الشهر، ولا تركت لنا الا كم يوم نستمتع فيها. لكنها على انها مجرد أيام معدودات، الا ان اللعبة على طول فازت بلقب أكثر لعبة استمتعنا فيها بشهر يناير 2015.
اذا هذي بداية العام مع الألعاب، فمن حقّنا اننا نتأمّل ونتطلّع لهذي السنة بعد هالبداية الجميلة!
علمنا عنّك أنت، وش أكثر لعبة استمتعت فيها في يناير 2015؟
احمد خالد
أيمن اليغشي
بارعة
