نزل في شهر مارس كثير من الألعاب الرهيبه، وبعد مرورنا بكم شهر مافيه ألعاب كثيرة، اسمتعنا بهذا الشهر واعتبرناه أفضل شهر من ناحية الألعاب الى الآن.
لعبة Hotline Miami 2، لعبة Resident Evil Revelations 2، Battlefield Hardline، و Final Fantasy Type-0 وديمو فاينال فانتسي 15، هذا غير المحتويات الاضافية للألعاب مثل اضافات The Evil Within و Lords of the Fallen وغيرهم. شهر جميل 🙂
عموماً، كل هالألعاب والاضافات على العين والراس، وكل وحدة منها استمتعنا فيها ولو ان بعضها ما قدرنا نخلصها. كل هالألعاب ما أعطتنا تجرب قد لعبة BloodBorne، طلعت من جد تستاهل انتظارنا وحماسنا لها.
بلودبورن لعبة تختلف عن كل الألعاب، بلودبورن أول لعبة في هذي السنة تاخذ أعلى تقييم عندنا، وهي من أوائل ألعاب الجيل الجديد اللي تحصل على هذا التقييم.
تميّزت بلودبورن بنظام قتالها اللي بتطلب الحذر، وعالمها المترابط بشكل نادر تشوفه في الألعاب، وتبسيطها لبعض الأشياء اللي كانت تعتبر معقدة في ألعاب سلسلة Souls. اللي لعب ألعاب سولز السابقة، احتمال كبير يشوف جرأة بلودبورن في تغيير بعض الأشياء اللي تعتبر أساسية في ألعاب سولز، وهذا شي نادر تلقاه في الألعاب، بحيث المطوّرين غالباً يخافون يغيرون أشياء كبيرة في ألعابهم، بعد ما تعوّد عليها جمهورهم.
بلودبورن، أكثر لعبة استمتعنا فيها لشهر مارس في عام 2015. لسّا ما وصلنا الى نهاية السنة، ولسّا باقي ألعاب كثيرة ما نزلت ولعبناها، لكن تقدر تقول ان بلودبورن حجزت لها مقعد في مرشحين أفضل لعبة في عام 2015.
وش أكثر لعبة استمتعت فيها هذا الشهر، ووش اللي أعجبك فيها؟ شاركنا في التعليقات 🙂
