قريباً، ألعاب اكس بوكس ون بيتحسّن أداءها وبتصير أفضل

أعطت مايكروسوفت مساحة أكبر للمطورين على جهازها اكس بوكس ون، بحيث تساعدهم المساحة هذي في تطوير ألعابهم بشكل أفضل.

حسب التقرير التقني في موقع يوروجيمر، درسوا حزمة تطوير البرمجيات الجديدة اللي أرسلتها مايكروسوفت لهم، ولقوا ان مايكروسوفت الآن سمحت للمطورين انهم يستخدمون نواة معالجة (processing core) زيادة عن المساحة اللي قبل، وهذا بيساعد المطوّرين في تطوير ألعاب بشكل أفضل عن قبل.

قبل الحزمة الجديدة، جهاز اكس بوكس ون كان يستخدم نواتين معالجة بحيث يشغل فيها التطبيقات اللي في الخلفية، مثل الأوامر الصوتية وغيرها من البرامج. نفس الشي مع بلايستيشن 4، لكن الآن مايكروسوفت سمحت للمطوّرين انهم يستخدمون نواة زيادة.

القرار هذا يعتبر خبر سعيد للمطورين، لكن له مساوئ، وهي ان جهاز Kinect ما راح يشتغل بشكل كامل اذا شغّلت لعبة معينة. الأوامر الصوتية ما راح تشتغل معك اذا شغلت لعبة، وبيتم تعطيل حسّاس الكينيكت. تقدر تقول ان الكينيكت راح يضعف أداءه بشكل كبير بعد هالقرار.

حسب التقرير، يقولون يوروجيمر ان هذا الشي ممكن يشرح ليش ان بعض الألعاب اللي نزلت في نهاية 2014 تفوّقت على بلايستيشن 4 من بعض النواحي.

من نزول الأجهزة المنزلية الجديدة، الألعاب اللي تنزل على اكس بوكس ون وبلايستيشن 4، عادةً تكون نسخة بلايستيشن 4 متفوقة على نسخة اكس بوكس ون. الآن يبدو ان مايكروسوفت قامت تاخذ خطوات جديّة في حل هالمشكلة.

الخبر هذا قد تكلم عنه واحد من مطورين لعبة Dying Light. الآن حتى الموقع التقني المعروف تكلم عن هالموضوع بالتفصيل.

وش رأيك في القرار الجريء؟