مثل ما كتبنا امس في حسابنا في تويتر، مايكروسوفت تراجعت عن قراراتها السابقة في الاكس بوكس ون باتخاذ قرارات جديدة تلغيها، وهي:
- تقدر تبيع وتشتري في الالعاب المستعمله بدون أي قيود. وتقدر تعطي لعبتك لأي أحد بدون شروط، زي الاكس بوكس 360 بالضبط.
- تقدر تلعب أي لعبة بدون ما تكون شابك أونلاين (الا اذا كنت تبي تلعب طور الاونلاين طبعاً)، بس طبعاً لازم يكون الدسك حق اللعبه موجود في الجهاز، زي الاكس بوكس 360.
- ما عاد فيه قيود على المناطق (region lock). تقدر تشتري لعبتك من أي دوله وتلعبها على أي جهاز سواءاً أمريكي أو أوروبي.
فالآن نبي نعرف رأيك، هل تغيرت نظرتك للاكس بوكس ون بعد هالقرارات؟ شاركنا بتصويتك بالاضافة لرأيك في التعليقات.
وطبعاً كالعادة بنستعين بهالاستفتاء وبعض التعليقات لاثراء النقاش عن هالموضوع في حلقة البودكاست القادمة ان شاءالله.
