أخيراً أكدت مايكروسوفت أمس كل القيود اللي بتكون موجودة على الالعاب المستعملة وعلى موضوع أنه الجهاز بيتطلّب اتصال دائم بالانترنت، وهذي أبرز نقطتين:
- الجهاز يشيك مره كل 24 ساعة على اتصال الانترنت، اذا ما كنت شابك اونلاين ما راح تقدر تلعب اي لعبة حتى لو ما كانت أونلاين. واذا شبكت حسابك في جهاز ثاني، فراح يشيك على اتصال الانترنت كل ساعة بدال 24 ساعة.
- اذا تبي تعطي دسك اللعبة لخويك، فما يقدر يلعبها الا اذا كان في قائمة اصدقائك لمدة 30 يوم على الأقل، وما تقدر تعطي لعبتك الا لصديق واحد فقط. ما راح تشتغل عند أحد ثاني حتى لو عنده الدسك!
كان فيه تفاصيل ثانية، لكن ما راح نذكرها كلها لأننا ما كتبنا هالموضوع عشان نوضّح التفاصيل، كتبناه عشان نعرف رأيك بمستقبل الاكس بوكس ون مع هالسياسات.
من البديهي اننا كلنا كلاعبين نرفض هذي القيود، فعشان كذا نبي نعرف وش الحاله اللي ممكن تخليها شي “عادي” عندنا ونتقبلها ونتعايش معها بعدين.
شاركنا بتصويتك في الاستفتاء، بالاضافة لرأيك في التعليقات.
