أحمد الراشد
مع اصدار نسختين للعبة Forza Horizon 2، وحدة على الاكس بوكس ون والثانية على الاكس بوكس 360، توقعنا انها بتكون نفس اللعبة (لكن برسوم اضعف على الـ360).
في مقابلة مع ديجيتال سباي (Digital Spy)، صرّح المخرج الابداعي للعبة، رالف فلتن (Ralph Fulton)، ان اللعبة بتكون مختلفة بين النسختين، لكنها “مبنية على الفكرة نفسها”.
يقول رالف “(النسختين) بتكون في نفس العالم وبتكون مبنية على نفس الفكرة الرئيسية.”
“في اشياء طوّرناها في نسخة الاكس بوكس ون، وبكل صراحة، ما قدرنا نطوّرها في نسخة الاكس بوكس 360.” هنا يقصد نطام المناخي والدرايفاتارز (Drivatars).
وعلى طاري الميكرو ترانزاكشن، صرّح بإنها ما راح تكون موجودة في وقت اطلاق اللعبة. “توجّهنا في تطوير اللعبة كان، مبني من البداية، على ان اللعبة تكون ممتعة، عادلة، وتكافئ اللاعبين على مجهودهم. هذا الشيء مهم بالنسبة لنا. عشان كذا، بنطلق اللعبة بدون عملة (Tokens)”
كويّس انهم بعّدوا عن توجّه الميكرو ترانزاكشن، خاصة ان الناس بتدفع عليها سعر لعبة كاملة (60$).
وش رايكم يا الرهيبين؟ هل هذا التوجّه كويّس؟ عطونا آرائكم!
احمد خالد
Saudi Gamer
