مطوّر فلابي بيرد: حذفت لعبتي لأنها سبّبت ادمان للناس

بعد الكثير من التصريحات والتوقعات، أخيراً تكلّم مطوّر لعبة فلابي بيرد عن سبب سحبه للعبته المشهورة بزيادة، Flappy Bird.

يقول Dong Nguyen:” أنا صمّمت فلابي بيرد عشان تلعبها لمدة دقايق وانت مرتاح، ولكنها صارت لعبة ادمانية، وأعتقد ان هذي مشكلة. وعشان أحل هالمشكلة، قرّرت أشيل اللعبة. خلاص اللعبة اختفت للأبد”.

برضو يقول دونق:” حياتي ماهي مريحة مثل ما كانت. ما أتوقع ان قرار سحبي للعبة خاطئ، لأني فكّرت بهذا الشي لفترة طويلة”.

احتمال ان دونق يقصد ان حياته ماهي مريحة مثل قبل بسبب الشهرة المفاجئة اللي ما كان مستعد لها، ولكن برضو ما أشوفه سبب كافي انك تشيل لعبة تجيب لك 150 ألف ريال في اليوم.

وش رايكم بسبب سحب اللعبة؟