محمد الشريف
أعلن ستديو تطوير CDPROJEKT RED عن أول اضافة مجانية للعبتهم الرائعة The Witcher 3، بالاضافة الى انهم أطلقوا تحديث للعبة على الأجهزة المنزلية الحديثة.
بالنسبة للإضافات المجانية، فهي سلسلة اضافات وعد فيها ستديو التطوير قبل فترة، عددها بيكون 16 اضافة. محتوى الاضافة بيكون:
- مهمّة جانبية عنوانها Missing Miners.
- لبس اضافي لشخصية Yennefer، أحد الشخصيات الرئيسية في اللعبة.
بالنسبة لسبب اطلاق هذي الاضافة بشكل مجاني، فاستديو التطوير يقول ان هذي هدية منهم الى الناس اللي اشتروا لعبتهم.
في خبر ثاني يخص اللعبة، أطلق استديو تطوير اللعبة قبل ساعات تحديث على أجهزة PS4، وقريبًا بينزل على Xbox One. رقم التحديث بيكون 1.03 وهذي أهم الأشياء اللي بيسويها:
- تصليحات عامة على رسومات اللعبة.
- تكبير حجم الخط.
- إصلاح مشكلة تعليق اللعبة خلال شاشات التحميل (loading).
- تحسين وتثبيت المشاهد في اللعبة، بحيث ما تصير تقطّع.
- إصلاح الكثير من الأخطاء في اللعبة.
وش المشاكل التقنية اللي واجهتها مع اللعبة؟
احمد خالد
بارعة