أحمد قربان
بعد ماتم الاعلان عن جهاز امازون فاير تي في (Amazon fire TV). الناس بدأت تتكلم و تخمن عن وضع هذا الجهاز. المشكلة في الجهاز انه اللاعبين يقولوا انه ماراح ينافس اجهزة الالعاب الحالية، وفي نفس الوقت نائب رئيس امازون بيتر لارسين (Peter Larsen) يشوف انه جهازهم مو جهاز العاب ابدا.
بعد ماتحدث المصدر مع موقع انقادجيت (Engadget)، قال لارسن عن جهازهم لموقع انقادقيت: “جهازنا ماراح يحاول انه يكون جهاز العاب”. هذا الكلام اكده على تويتر كاتب في موقع انقادجيت اسمه بين قيلبرت (Ben Gilbert).
موقع ام سي في (MCV) كان مستغرب من هذا الرد وكتبوا في موقعهم السبب وهو انه لما امازون اظهرت مواصفات الجهاز قالو: “الجهاز راح يكون اقوى من ابل تي في (Apple)، واقوى من جهاز بث اسمه روكو (Roku)، وراح يكون مناسب للاعبين لانه يسمح لك تبث و تسجل لعبك ويدعم تقنية ثري دي (3D) ويدعم انك تلعب بالجهاز على جهاز الكمبوتر الخاص فيك”.
الموضوع محير خصوصا انه امازون اشترو الاستديو المطور للعبة كيلر انستكنت (Killer Instinct)، وهو ستديو العاب اسمه دبل هيلكس (Double Helix) والاستديو هذا مقره الخاص فيه في شركة امازون.
في وجهة نظري انه امازون تبغا تنافس الاجهزة الحالية بس لسه امكانياتها وخبرتها ضعيفة في هذا المجال، لكنها راح تدخل وبقوة بعد فترة، اعتقد انهم استعجلو لما اعلنو عن جهازهم او انهم بس يبغو يسووا جس نبض ويشوفو ردة فعل الناس واللاعبين لجهازهم. خلينا ننتظر ونشوف في الايام القادمة اش يصير مع جهازهم الغريب.
اش رايك في جهازهم؟ واش رايك في رد لارسن؟ واذا عندك راي خاص فيك اتفضل واكتبه.
احمد خالد
بارعة
