فرح عبدالله
رئيس سكوير انيكس (Square Enix) شينجي هاشيموتو (Shinji Hashimoto) كشف في مقابلة ان ماراح يكون فيه اي معلومات جديده عن فاينال فانتاسي 15 (Final Fantasy XV) في معرض E3 هذي السنة. مين يدري! يمكن سكوير انيكس تغير رأيها، لكن الشخص الوحيد الي يعرف ايش راح تسوي سكوير انيكس في E3 هو هاشيموتو، الي يدير سلسلة فاينال فانتاسي.
يقول هاشيموتو ” اولا، ابغا اقول ان تطوير فاينال فانتاسي 15 ماشي بشكل جيد. في الشركة، احنا دايما نحاول نكتشف الوقت المثالي الي نصرح فيه عن معلومات جديدة للجماهير، وشفنا ان معرض E3 هذي السنه مو انسب وقت نصرح فيه عن معلومات.”
فاينال فانتاسي 15 تم الاعلان عنها اول مره في معرض E3 2006، لو سكوير انيكس ما اعلنت عن شي لين 2016، كذا تكون اللعبة كملت 10 سنوات من اول اعلان لها في E3.
هاشيموتو اضاف ” احنا قاعدين نجهز لحدث بعد E3 نعلنا فيه عن اشياء جديدة.” وقال انه شخصياً متحمس للوقت الي راح يعلنون فيه معلومات جديده عن فاينال فانتاسي.
وبعد ما اعلنت سكوير انيكس عن كينقدوم هارتس 3 (Kingdom Hearts III)، ونزلت تريلر جديد، لاتتوقعون معلومات جديده عن هذي اللعبة كمان. هاشيموتو قال “حاليا، احنا نشتغل على هذي اللعبة ونحتاج وقت اكثر عشان نعلن عن اشياء جديده.”
اكيد الالعاب ماتخلص بيومين ، وتحتاج وقت كثير. لكن في حالة فاينال فانتاسي و كينقدوم هارتس يحتاجون وقت جداً جداً كثير. لكن ان شاء الله تكون تستحق الانتظار الطويل.
مع استبعاد فاينال فانتاسي وكينقدوم هارتس من E3 ايش تتوقعون الاشياء الي ممكن تعلن عنها سكوير انيكس في المعرض؟
Saudi Gamer
احمد خالد
بارعة