مشهور الدبيانانتشرت مؤخراً اشاعة عن فيفيا 12. ناس كثير جداً اعتقدوا ان التصويت في موقع اسمه FIFPlay.com (على هذا الرابط) للدوري السعودي بيساعد في انه الدوري السعودي يكون في فيفا 12.
للي صدّق الاشاعه، ما لاحظت ان الموقع اسمه FIF Play مو FIFA Play؟ ما حسّسك هالشي ولو لثانيه انه فيه شي غلط؟ طيب عدم وجود شعار الشركه (EA) في الصفحه؟ ما اثار شكوكك؟ طيب Unofficial Private Project (مشروع خاص غير رسمي) المكتوبه فوق؟
يعني حتى بعد ما تشيّك على معلومات صاحب الموقع بتلقى انه واحد اسمه شهريار فكري من سنغفوره، وماهو مسجّل باسم شركة EA مثل ما تسوي الشركة عادة. ومستحيل الشركه تتخذ قرار في انها تدخّل الدوري السعودي باللعبه بناء على احصائيات موقع ثاني ممكن يكون لاعب فيها، لان الموضوع فيه استثمار وفلوس ماهو شي يقدرون يسوونه بيوم.
استغرب صراحة كيف مشى الموضوع على عدد ضخم من الناس، واستغرب اكثر حماس الناس في نشر الرابط على انه رابط صحيح ومضمون. واللي من جد مدري وش يحس فيه اللي يعرف ان الموقع ماهو رسمي لكن مصر انه راح يجي بنتيجه.
اتمنى انك تنبّه الناس اللي حولك من اللي نشروا هالموضوع بان الموضوع غير صحيح عشان ما يستمّرون في النشر. وانشر هذا الموضوع بداله 😛
بارعة
احمد خالد
Saudi Gamer