أخبار

هذي تفاصيل الإضافة الأولى للعبة Far Cry 4

farcry4coverphoto

إضافة Escape from Durgesh Prison للعبة Far Cry 4 بتنزل الشهر الجاي وهي عبارة عن مهمة أنك تنحاش من سجن وراح تكون صعبة بحيث إنك إذا مت في نص المهمة تعيد من البداية. طبعا يمديك تلعب الإضافة لحالك أو مع أحد من ربعك.

بالنسبة للقصة، المهمة بتكون من بطولة الشخصيات الرئيسية أجاي ( Ajay ) وهورك ( Hurk ) اللي يلقون نفسهم فجأة ممسوكين في السجن ومتبهذلين وبدون أسلحة. وعشان تنحاش من السجن لازم تكمل مجموعة من التحديات عشان تجمع أسلحة وتفتح قدرات ومهارات جديدة تساعدك توصل لنقطة الهروب. على كلام يوبي سوفت أنهم صعبوا المهمة بسالفة أنك تعيد المهمة من البداية إذا إنهزمت ولازم تستخدم خبرتك اللي إكتسبتها من عدد المرات اللي لعبت فيها الإضافة عشان تخلص المهمة بنجاح.

إضافة Escape from Durgesh Prison بتنزل بتاريخ 13 يناير بسعر 10 دولار أو أنك تدفع قيمة السيزون باس بقيمة 30 دولار وتجيك الإضافة معها.

الوسوم
اظهر المزيد

يزيد السويري

مترجم تخصص لغة إنجليزية أحب ألعاب ننتندو زي "super smash bros" و "Mario & Luigi" و"ماريو 64" أموت في شي إسمه Dynasty Warriors و نوع الألعاب المفضل عندي هو"hack and slash".
إغلاق