أحمد قربان
ليفل 5 (LEVEL-5) المطور للعبة فانتاسي لايف (Fantasy Life) اعلن قبل فترة ان لعبة فانتاسي لايف راح ينزل لها جزء الجديد. لكن الشيء الشاطح والغريب جدا هو ان اللعبة راح تنزل للجوالات الذكية (Smartphones) فقط.
لعبة فانتاسي لايف هي لعبة موجودة على جهاز الثري دي اس (3DS) تبع نينتندو (Nintendo) من زمان، وهي لعبة باسلوب الRPG المعروف.
اكيهيرو هينو (Akihiro Heno) المدير التنفيذي لاستديو ليفل 5 وضح سبب تطوير اللعبة للجوالات فقط و السبب في نظره هو ان هذا الشيء راح يجذب البالغين اكثر لتجربة اللعبة! و وضح ايضا انه يعتقد ان الاجهزة الخاصة بالالعاب غالبا تجذب جمهور عمره صغير.
قال هينو: “انا اشوف ان لعبة فانتاسي لايف فيها عناصر و ميكانيكيات تجذب الناس البالغين، اعتقد ان الاطفال يلعبون على الاجهزة الخاصة بالالعاب بشكل كبير و في نفس الوقت خلال الفترة الاخيرة الكثير من البالغين كانوا بيلعبون على العاب الجوالات الذكية بشكل اكبر”
واضاف هينو ايضا: “لما جينا نختار الجهاز اللي نطور عليه لعبتنا، اخترنا الجهاز بناءً على البيئة اللي فيها اللاعبين البالغين بشكل كبير”
والله اني جالس اكتب الخبر واضحك 🙂 احب اقول لهينو انك جبت اكبر عيد في العالم. في الوقت اللي الشركات تبحث عن جهاز قوي يدعم لعبتها، اخونا هينو يبحث عن جهاز فيه نسبة البالغين عالية ويطور لعبته على امكانيات هذا الجهاز! انا ودي اعرف هل كلامه مبني على احصائية حقيقية؟ ولا هو مجرد كلام من عقل هينو؟ ودي اعرف والله. على العموم اتمنى لهم التوفيق في لعبتهم وفي جذب البالغين.
وش رايكم بكلام هينو ؟
محمد ليلة
احمد خالد
بارعة