لعبة فول اوت نيو فيقاس (Fallout: New Vegas) الناس من فترة بتتنافس على انهائها في وقت قياسي، امس احد اللاعبين اسمه ريدريك (Rydrec33) استطاع انه ينهيها في 24 دقيقة و 15 ثانية.
نفس اللاعب كان هو اسرع واحد انهاها بحيث ان اسرع وقت كان 24 دقيقة و 54 ثانية، يعني الرجال صار ينافس نفسه 🙂
اذا بتتسائل كيف يخلصها بهذي السرعة الجواب ان اللعبة فيها قلتش يسرع لاعبك بنسبة 165%. تقدر تشوف فكرة القلتش في المقطع:
ايضا اللاعب كان بيلعب بأسهل صعوبة لأن على كلامه كل اللاعبين اللي يتنافسون على انهاء اللعبة بأسرع وقت يلعبون بأسهل صعوبة و كان يمشّي كل مقاطع اللعبة و المحادثات بدون مايقرأ لينهي اللعبة بأسرع وقت.
الرجال ناوي انه ينهي اللعبة بوقت اسرع من اللي حققه، لكنه يبغا ياخذ بريك بسيط حاليا و بعدها يحاول انه يحطم رقمه القياسي.
صراحة الرجال لعيب و فكرته جيدة تبع القلتش، شيء جميل انك تشوف اللاعبين يبحثون عن اخطاء باللعبة ويحاولون انهم يستغلونها لمصلحتهم.
