أحمد قربان
استديو بيثيزدا (Bethesda) المطور للعبة فول اوت 4 (Fallout 4) كان له مؤتمر خاص في معرض E3 لهذا العام، وهذا الشيء كان غريب نوعا ما بحيث ان بيثيزدا ما قد سوّت معرض خاص فيها. ستديو بيثيزدا وضح انهم غالبا ماراح يقدمون مؤتمر خاص بهم في معرض E3 للعام القادم.
قال بيت هاينز (Pete Hines) نائب مدير ستديو بيثيزدا: “انا مااعرف اذا راح نقدم مؤتمر خاص بنا في العام القادم، انا ما اعرف اذا راح نسوي هذي التجربة مرة ثانية، هذي السنة حسينا انها الوقت المناسب لفعل هذي التجربة”
كمل ايضا وقال: “في الحقيقة تركيزي هو التالي اني اتحدث مع الاستديوهات المسؤولة عن العابنا والمتعاونة معنا و وانفذ خططهم و اتفق معاهم على تحسين الاشياء اللي راح نسويها في المستقبل، و احاول معاهم على ايجاد طرق لتقديم افضل مالدينا”
قال بيت: “اذا ماقدمنا مؤتمر رسمي وكان عندنا بوث (Booth) في المعرض فقط ماراح نقدر نوصل لجميع اللاعبين ونوريهم العابنا الجديدة، اذا كان عندنا البوث فقط و افترضنا ان 40000 شخص حضروا معرض E3، راح يحضر البوث تبعنا في حال كنا محظوظين 4 اشخاص فقط، مستحيل اننا نجبر كل الحضور للقدوم الى البوث تبعنا”
كمل بيت وقال: “لذلك سبب من اسباب تقديمنا لمؤتمر خاص هو اننا حسينا ان عندنا مجموعة العاب مميزة و نبغا كل العالم يشوفوها مو بس اللي حضروا المؤتمر”
قال اخر شيء بيت: “اي احد يبغا يشوف الاشياء اللي عرضناها للعبة فول اوت 4، يقدر يشوفها على الانترنت، ماعندنا اي شيء نخفيه سواء للاعبين او الاماكن او اي احد”
كلام جميل من بيثيزدا و اتمنى ان باقي الشركات تسوي زيهم و زي روكستار، اذا عندهم شيء قوي ويستاهل يقدموا مؤتمر له سووا مؤتمر، واذا مافي ماقدموا، مو مثل باقي الشركات اللي كل سنة لازم تقدم مؤتمر و تسوي ضجة حتى لو على شيء مايستاهل.
احمد خالد
