أحمد قربان
تحدث جون ريكيتيلو (John Riccitiello) الرئيس التنفيذي السابق لشركة اي ايه (EA) و حاليا ماسك منصب عالي في تقنية يونيتي (Unity) عن الحرب القوية بين جهازي بلايستنين 4 و اكس بوكس ون و المنافسة الشديدة اللي بينهم.
قال جون: “كان فيه تفاوت كبير في الافكار بين سوني ومايكروسوفت، جهازي الاكس بوكس ون والبلايستيشن 4 عندهم تقريبا نفس المميزات و نفس القوة اللي الشركتين تطمح لتقديمها، لكن مايكروسوفت اهتموا اكثر في الجانب الترفيهي بحيث ان كان ودهم منافسة شركة ابل (Apple)، و في نفس الوقت مايكروسوفت ما اعطوا اهمية كبيرة لجانب الالعاب في الجهاز و اعتبروا ان هذا الجانب ماراح يساعدهم في تقديم الاختاراعات اللي يطمحون لها”
و وضح ايضا جون ان سوني كانت الاهمية القصوى عندهم هو اللاعب نفسه وهذا الشيء ساعد سوني في التركيز على شيء واحد بدل ماانها تكون مشتتة، و قال ايضا جون ان الجانب الترفيهي ومميزات القنوات في الاكس بوكس ون هي خطوة جيدة و غير خاطئة، لكن في نظره المشكلة كانت ان مايكروسوفت تنفيذهم كان غير مركز للخطة تبعهم وهذا في نظرته هو السبب لخسارة مايكروسوفت في المعركة.
شبّه جون التنفيذ السيئ بلعبة البلياردو، قال جون: “مايكروسوفت كانت مركزة على ضرب الكرة الاخيرة و ماركزوا على ضرب الكرة اللي يحتاجوها حاليا، مثل انك تهيئ الكورة الاخيرة للتسجيل في البلياردو لكنك ماقدرت تسجل الكورة اللي قبل الاخيرة، اما سوني فكان هدفهم واحد فقط و الكرة اللي يحتاجوها هي اللي ضربوها، هدفهم كان كسب عقول وقلوب اللاعبين في العالم، ممكن ان الجانب الترفيهي بشكل عام لديه جماهير اكبر لكن الجماهير ماراح تجيك اذا تنفيذك كان غير مركز، اما سوني كان تنفيذهم محكم و ضمنوا جزء كبير من ال50 مليون لاعب اللي في العالم واللي غالبا يغيروا اجهزتهم بين كل فترة، الزبدة ان سوني استحقت هذا الفوز وبجدارة على الاكس بوكس ون”
اشوف ان كلام جون سليم و التخبطات كانت من يوم الاعلان عن الاكس بوكس ون، ما انكر انهم في الشهور الاخيرة تحسنوا بشكل كبير وملحوظ، لكن الى الان مانزلت لهم اللعبة او جاتهم الميزة اللي تخليني اقول لازم اشتري جهاز الاكس بوكس ون.
وش رأيكم انتم، ومن اللي تعتقدون انه يستحق الفوز على منافسينه؟
احمد خالد
