مطوّرين لعبة Need For Speed: Hot Pursuit و Burnout Paradise شكّلوا استوديو جديد اسمه ثري فيلدز انترتينمنت (Three Fields Entertainment). هذا الاستوديو حالياً شغال على لعبتين، حسب تغريدة الاستوديو.
من المطوّرين اللي موجودين في هذا الاستوديو هو المطوّر بول روس (Paul Ross)؛ عنده 18 سنة خبرة في تطوير العاب Need For Speed و Burnout.
الاستوديو حالياً عنده 10 موظفين، وكلهم كانوا في كرايتيريون (Criterion)، اللي مملوكة من EA. اليكس وورد (Alex Ward) وفيونا سبيري (Fiona Sperry) هم اللي اسسوا ثري فيلدز انترتينمنت.
هذي بتكون فرصة لهم لأن EA ما راح تنزّل نيد فور سبيد هذي السنة، لأن اللعبتين بتنزل في بداية 2015.
اتوقع ان اللعبتين بيكونون افضل من نيد فور سبيد وبرن اوت لأن مطورينها هم المطورين الاساسيين لسلسلة نيد فور سبيد وبرن اوت.
وش تتوقعون من هذي اللعبتين؟ عطونا آرائكم!
