محمد الشريف
اثنين من فريق تطوير DICE المسئولين عن تطوير سلسلة باتلفيلد، أعلنوا عن تأسيسهم لاستديو تطوير ألعاب مستقل جديد باسم The Outsiders.
استديو التطوير على طول أعطى تشويقة للعبته اللي ناوي يشتغل عليها، والي ما أعطى اسمها الى الآن واكتفى ببعض التلميحات عنها. أول مشروع للاستديو بيكون تطوير لعبة RPG، ناوين يطلقونها على البي سي، واحتمال يطلقونها على الأجهزة المنزلية في المستقبل.
بالنسبة للمؤسسين، فواحد منهم اسمه David Goldfarb واللي اشتغل على باتلفيلد 3، ولكنه طلع بعدها من الاستديو في عام 2012 وانتقل الى ستديو Overkill Software واللي سوو لعبة PayDay. طلع بعد لعبة باي داي وقال انه طفش من العمل على الألعاب الضخمة.
“لي فترة أشتغل على هذي اللعبة” يقول جولدفارب في مقابلة مع يوروجيمر عن لعبتهم الجديدة. يقول برضه:” أحب ألعاب RPG بشكل هائل وكنت أحاول أحط عناصر آر بي جي في كل الألعاب اللي اشتغلت عليها”.
أما بالنسبة للعبته الجديدة، فالخطوة الجريئة فيها انه بيحاول يخلي القصة ديناميكية، بحيث تتغير القصة حسب طريقة لعب اللاعب. يقول جولدفارب:
” أنا مهتم بالقصص المرتبطة بنظام معيّن. أدري ان Ken Levine (مطور لعبة BioShock) له فترة يتكلم عن الموضوع. أنا عندي طريقة ثانية أبغى أطبّق فيها هذا النوع من الألعاب. لكني أعتقد ان اللعبة ما راح يكون فيها مشاهد”.
احمد خالد
بارعة