E3 2014أحداثمقالات

تجربتنا للعبة EVOLVE (تغطية معرض E3 2014)

evolveمن آخر الألعاب اللي جربناها في المعرض كانت لعبة EVOLE، اللعبة القادمة من المطوّرين اللي قدموا لنا لعبة Left 4 Dead.

ما كان عندنا معلومات كثيرة عن اللعبة، لكن حضرنا أول شي العرض الدعائي الجديد للعبة واللي يشرح لنا كيفية عملها. اللعبة فكرتها رهيبه، بحيث أربع لاعبين يلعبون مع بعضهم، بينما لاعب واحد ياخذ الوحش الموجود في اللعبة. مهمة كل الفريقين انهم يقضون على بعضهم.

المميّز في اللعبة، أو على الأقل من الدعايات اللي شفتها، ان اللعبة تعاونية بشكل بحت. لازم الأربعة يتعاونون عشان يقضون على الوحش الكبير الموجود، اللي هو اللاعب الخامس.

فيه كلاسات (نوع الجندي اللي بتلعب فيه) معروفة، مثل الطبيب وجندي الاقتحام (assault) وغيرهم من الكلاسات اللي تلقاهم في أكثر الألعاب.

أدوار الكلاسات هنا تختلف شوي عن الألعاب العادية، بالاضافة الى المزايا الأساسية لكل كلاس موجود، فيه ميزات ثانية أضافوها في اللعبة. فيه بعض الكلاسات عندها القدرة انها تخفي الفريق بالكامل ويصيرون غير مرئيين، وفيه كلاس ثاني يعطي درع كبير يغطي كل أخوياه بحيث ما تجيهم ضربات الوحش.

أما بالنسبة للوحش، فهو يبدأ بحجم معيّن، ومهمته انه لازم ياكل الكائنات الثانية الموجودة في الخريطة عشان يكبر. كل ما صار أكبر كل ما صارت ضرباته أقوى. حتى الجنود العاديين بامكانهم يقتلون الكائنات الموجودة في الخريطة ويكسبون منها أشياء معينة.

اللعبة بيكون فيها طور قصة بالاضافة الى طور تعاوني طبعاً، بينما تاريخ نزولها بيكون في 21-10-2014 على بلاي ستيشن 4، اكس بوكس ون، بي سي.

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق