محمد الشريف
في معرض جيمزكوم 2014، أعلنت سوني عن انها باعت 10 مليون جهاز بلاي ستيشن 4. الجهاز ماله الا تسع شهور في السوق وباع هذا العدد الكبير، واللي كان عكس توقعات أكثر الناس.
سألوا رئيس استديوات سوني، شوهي يوشيدا عن المبيعات الكبيرة. يقول شوهي: “هذا شي فوق تخيلاتي، حنا مبسوطين جدًا بالمبيعات. لكن الحق اني شوي قلق ومتوتّر لاننا ما نعرف بشكل كامل سبب هالمبيعات الكبيرة”.
يقول يوشيدا انه طلب من مسؤولين التسويق في سوني انهم يدرسون موضوع النجاح هذا ويحاولون يعرفون سببه، ولقوا ان أكثر اللي اشتروا بلاي ستيشن 4 ما كان عندهم بلاي ستيشن 3، أو انهم ما كان عندهم جهاز ألعاب من الجيل اللي راح خير شر. تقدر تقول انهم ما كانوا هاردكور جيمرز.
يقول شوهي: “حبينا نعرف من هم اللي اشتروا الجهاز وليش اشتروه وكيف ناوين يستخدمون الجهاز، وهذا شي بيساعدنا في المستقبل، بدال ما نصير معجبين بأنفسنا ونقول للناس اننا بعنا الجهاز لكل جيمر”.
الصراع لا يزال مستمر بين سوني ومايكروسوفت في الجيل الجديد، وبلاي ستيشن 4 الى الآن يعتبر متقدّم على اكس بوكس ون، على الأقل من ناحية المبيعات.
على طاري شوهي يوشيدا، شفتوا صورتي معه في جيمزكوم؟ 🙂
وش تتوقع سبب نجاح مبيعات بلاي ستيشن 4؟
احمد خالد
