يبدو ان أخبار ميتال جير سوليد 5 حاميه هاليومين! من نفس المصدر اللي تكلمنا عنه بداية اليوم في خبر محبط، تسرّبت أخبار مؤكدة عن تفوّق نسخة البلاي ستيشن 4 على نسخة الاكس بوكس ون للعبة ميتال جير سوليد 5: جراوند زيروز.
في وحدة من مقالات جيم انفورمر، مجلة ألعاب الفيديو المعروفة، يقول الكاتب انه لاحظ ان نسخة البلاي ستيشن 4 أفضل من نسخة الاكس بوكس ون على طول. الأغرب من هذا ان حتى كوجيما بنفسه اعترف بهذا!
يقول الكاتب:” كوجيما قال ان نسخة البلاي ستيشن 4 للعبة ميتال جير سوليد 5: جراوند زيروز أفضل من نسخة الاكس بوكس ون، الشي اللي لاحظناه حتى قبل لا يقوله لنا كوجيما.”
أما بالنسبة للتفاصيل، سواءً من ناحية عدد الاطارات أو الوضوح أو غيره، فما توفّرت لنا المعلومات الى الآن. كل اللي نعرفه ان نسخة البلاي ستيشن 4 أفضل، وباعتراف من كوجيما!
شخصياً، الشي هذا ماهو مستغرب لان فيه سببين، السبب الأول الكثير يعرفه وهو ان فيه ألعاب كثير نسخة البلاي ستيشن 4 منها أفضل من نسخة الاكس بوكس. لكن السبب الثاني هو ان خبرة كوجيما مع بلاي ستيشن أكبر بكثير من خبرته مع الاكس بوكس. ميتال جير سوليد 4 كانت من الألعاب اللي بقت حصرية للبلاي ستيشن 3، في الوقت اللي كل ألعاب الطرف الثالث نزّلوا ألعابهم على الاكس بوكس 360. هذا كله من غير ذكر مشاكل Metal Gear Solid HD Collection على الاكس بوكس 360.
أتوقّع انه من جد حان الوقت لمايكروسوفت يشوفون حل لهذي المشكلة، ولا وش رايكم؟
