تحديثات الموقعمقالات

كل عام وأنتم بخير!

كل عام وأنتم بخير جميعًا وينعاد عليكم بالصحة والعافية! أعضاء فريق سعودي جيمر يهنئكم بحلول عيد الفطر أعاده الله علينا بالخير واليمن والبركات.

في كل عام يجي الوقت اللي نتشارك فيه أفراحنا وأوقاتنا مع الأصدقاء والأقارب، تجتمعون فيه وتستمتعون بأجمل اللحظات. وحتى يكمل العيد ففي كل عام يتوافق أكبر معرض للألعاب E3 مع نهاية رمضان، هذا العام بيبدأ المعرض بعد العيد بكم يوم، وبنشوف فيه أقوى الإعلانات والعروض للألعاب القادمة. بإذن الله عصام ونواف بيغطون E3 هذا العام في الموقع والبودكاست وأيضا في تويتر وانستقرام، خلوكم متابعيننا!

خلال العيد تجي بعض الأوقات اللي تفضى فيها وودك تطقطق بكم لعبة مثل Apex Legends أو Fortnite، أو حتى تكمل بعض الألعاب اللي ما خلصتها مثل Red Dead Redemption 2 أو Sekiro. حتى ممكن تطلع مع أخوياك وتلعب PUBG أو Fortnite بالجوال، ومرة وحدة تسولفون عن استعراض Death Stranding الجديد والكشف عن Call of Duty: Modern Warfare الجديدة! بالنسبة لي بعد لعبي لـPixel Puzzle Collection على الجوال ناوي ألعب Picross S على السويتش.

بالنسبة لنشر الأخبار خلال العيد، فأول يوم العيد بيستمر الموقع في نشر الأخبار، أما الثلاث أيام اللي بعدها بتكون أقل من المعتاد وبعدها بترجع كما كانت. البودكاست بيستمر بما أن العيد ما يتوافق مع أيام التسجيل سواء للبودكاست الأساسي أو جرعة إضافية.

علمونا وش ناوين تسوون في العيد ووش مخططاتكم؟ وش الألعاب اللي متحمسين لها هالفترة؟

كل عام وأنتم بخير مرة ثانية، فريق سعودي جيمر يتمنى تقضون أسعد الأوقات في العيد.

الوسوم
اظهر المزيد

صالح بازرعة

مدير الموقع والمحتوى في موقع سعودي جيمر.
إغلاق