محمد الشريف
لعبة داينق لايت لعبة ممتعة ورهيبه، وهي حالياً أكثر لعبة ألعبها. لكن يبدو ان فيها بعض المشاكل التقنية، خصوصاً في التروفيز.
لاحظت ان بعض اللاعبين حاول يجيب التروفيز لكن ما قدر بسبب خطأ تقني معيّن، وهو انك تجيب متطلبات التروفيز لكنه ما يظهر لك لسببٍ ما. المطوّر، الى وقت كتابة هالكلمات، ما تكلم عن الموضوع. لكن حبينا نعطيكم خبر عنه.
المميّز في اللعبة ان التروفي البلاتيني فيها ماهو صعب، مقارنة بالألعاب الثانية. مافيها بعض المتطلبات السخيفة مثل “خلّص اللعبة على أصعب مستوى” ولا “اذبح العدو الفلاني باستخدام السلاح الفلاني في المكان الفلاني وخلّه ينحرق أو يتثلج” وغيرها من التروفيز اللي تحس المطوّر بس يبي يستقعد لك. كل التروفيز الموجودة في اللعبة تقدر تجيبها مره وحدة وفي لعبة وحدة، ما يحتاج تعيد اللعبة أبد.
بالنسبة للتروفيز اللي واجهنا فيها أخطاء تقنية فهي:
- The Whole Story – تتطلب منك انك تنهي كل المهمات الجانبية.
- Homo Homini Lupus Est – تتطلب منك انقاذ 15 شخص من عصابة Rais.
مو بس هذي، أي تروفي يطلب منك تجمع أشياء أو تنقذ لمرّات معيّنة فممكن انه فيه مشكلة تقنيّة. بعض التروفيز نسبة اللي جابوها 0.1% فقط، هذا معناته ان فيه كم محظوظ مشت معه بالصدفة، بينما الباقين ضيّعوا وقتهم.
عموماً، أتمنى ان المطوّر يعالج هالمشكلة بتحديث. متى ما أعلن أو صار شي على هالموضوع بنكتب لكم خبر.
أخيرًا، لعبة داينق لايت فازت بلعبة الشهر في يناير، تقدر تقرا تقييمنا لها.
وش المشاكل اللي واجهتها في تروفيز لعبة داينق لايت؟
احمد خالد
أيمن اليغشي
بارعة