جربت اليوم لعبة داينق لايت، وهي لعبة منظور شخص أول في عالم مفتوح كله زومبيز، ومن نوعية ألعاب البقاء على قيد الحياة (survival horror).
تركز اللعبة على نظام الليل والنهار، بحيث يطلع اللاعبين في النهار ويجمعون مؤن وأسلحة وينقذون ناس وأشياء كذا، أما في الليل فالزومبيز يصيرون أخطر وأقوى وأسرع من النهار.
الديمو اللي لعبته كان يستعرض الطور التعاوني للعبة، لعبتها أنا وواحد من اللي كانوا حاضرين في غرفة تجربة اللعبة.
طريقة اللعب سهلة مافيها فلسفة كثيرة، لكن اللي لاحظته ان طريقة القتال غالباً بالأسلحة اليدوية فقط. تقدر تاخذ الأسلحة اليدوية اللي رامينها في كل مكان في اللعبة، وتضرب فيها الأعداد الكبيرة من الزومبيز اللي حولك. تقدر تجمع أغراض وأشياء من الزومبيز اللي تقتلهم، وتقدر
من الأشياء الجيّدة في اللعبة، انك حتى في وسط المهمّة اللي تلعبها مع خويك تقدرون تسوون مهمات جانبية. دخلنا لمكان طويل وفيه حفر كثيرة، وطلبت منا المهمة الجانبية اننا نتسابق الى نهاية السيب. مهمة جانبية ثانية دخلنا فيه غرفة مليانه زومبيز، وطلبت مننا المهمة اننا نقتل أكبر عدد من الزومبيز. كانت اضافة جيّدة.
مشكلة اللعبة اني ما حسيت ان بيكون لها مكان عند اللاعبين، كل العناصر اللي شفتها كانت عناصر تقريباً مستهلكة: عالم مفتوح، زومبيز، حاول تنجو من الاعداء، اجمع أغراض في النهار ودافع في الليل. كل هالعناصر شفناها في ألعاب ثانية، فماني قادر أحدد وش اللي يميّز اللعبة. يمكن اذا نزلت اللعبة بشكل كامل بنقدر نشوف هل بتتميز بشي أو لا.
اللعبة من تطوير حقين Dead Island الجزء الأول. فيه تشابه كبير بين اللعبتين، كلها في عالم مفتوح، وكلها تلعب على عنصر البقاء على قيد الحياة، وكلها فيها زومبيز. اذا أعجبتك ديد آيلند فأعتقد ان هذي بتكون نقلة جيّدة عنها.
بتنزل داينق لايت في فبراير من عام 2015 على بي سي، بلاي ستيشن 3، بلاي ستيشن 4، اكس بوكس 360، اكس بوكس ون.
