أعلن اليوم مطوّر اللعبة عن محتوى اضافي مجاني بيجي للعبة اليوم، وهو عبارة عن خمس مضامير سباقات جديدة.
الاضافات بتنزل حبه حبه، ما راح تنزل كلها مره وحدة، حسب المصدر. المضامير كلها بتكون مضامير يابانية، هذي أساميها:
- Nakasendo
- Lake Shoji
- Asagiri Highlands
- Takahagi Hills
- Goshodaira
على طاري الاضافات، فيه اضافة جايه للعبة في تاريخ 27-1-2015 باسم Apex pack وبيكون فيها سيارات جديدة.
لعبة درايف كلوب، وهي لعبة سيارات حصرية لبلايستيشن 4، اطلقتها سوني قبل شهور ولكن اطلاقها ما كان جيّد. اللعبة عانت من مشاكل كثير ولكن مع الوقت تم اصلاحها. جربت تلعبها بعد تحديث dynamic weather واللي يغيّر لك الجو؟ رائع التحديث.
تم تخفيض لعبة درايف كلوب قبل كم يوم، وصار قيمتها 30 دولار فقط على متجر بلايستيشن. أطلقت سوني برضه النسخة الخاصة المدفوعة لحقين بلايستيشن بلس.
هل تتوقع انك بتعطي هاللعبة فرصة ثانية؟
