مر تقريبا أسبوع على إطلاق لعبة DriveClub والي يعتبره مطورينها أكثر إطلاق “كارثي” مر عليهم ، وبسبب هذا الإطلاق جا مخرج اللعبة Paul Rustchynsky عشان يوضح الأسباب الي ماتخلي اللاعبين يتصلون بسيرفرات اللعبة.
“سوينا إختبارات كثيرة بفترة البيتا الخاصة باللعبة وسوينا إختبارات لضغط السيرفرات وجربنا كل الإحتمالات الي ممكن تصير ولكن المفاجأة أنه ماحصلت أي مشكله من المشاكل الحاصلة حالياً” هذا كان كلام Paul Rustchynsky لما تكلم عن المشاكل الي حصلت ، ولا ننسى أنه ذكر أن بعض من المشاكل هذي بسبب اللاعبين الي حصلوا على اللعبة قبل الإطلاق الرسمي والي تسبب بتعطيل السيرفرات .ووعد أيضا بمفاجأة تعجب اللاعبين ومحبين اللعبة بعد ماتنحل المشاكل هذي مباشرة
تقدر ذحين تتصل بسيرفرات اللعبة ولكن اللعبة حاليا بتطبق سياسة ” واحد يدخل ، واحد يطلع ” عشان كذا لما تحاول تتصل لازم يكون معاك الصبر والأمل -والوقت طبعا :D- عشان واحد يطلع وتاخذ مكانه ، ووعدوا أيضا بنزول باتش بنهاية هذا الأسبوع عشان يحل المشاكل هذي.
هل واجهتك أي مشاكل وأنت تلعب اللعبة ؟
