محمد الشريف
بعد ما شفنا المواهب في المسابقة اللي سويناها، قررنا نفتح قسم خاص في مجتمعنا على جوجل بلس خاص بالرسامين. وعدناكم اننا بننشر لكم رسماتكم الرهيبه في موقعنا، واليوم نبدأ بنشرها.
كل الصور حطيت معها رابطها، في حال كنت تبغى تشوف الصورة بحجمها الكامل. اضغط على الرابط اللي مع اسم الشخص وبعدها اختر more وبعدها download.
تبغون نبدأ برسمات من العيار الثقيل؟
الموهوبة دنيا رسمت لنا بطلة لعبة Contrast. الرسمة رهيبه وخرافيه وكل شي، والأرهب من هذا كله انها عرضت لنا فيديو لخطوات الرسم!
الرسام الرهيب عبدالله حمدان رسم لنا رسمة فيها فكرة ممتازة، وهي خلط ما بين شخصية سعودي جيمر واللعبة المعروفة Legend of Zelda.
نوف شاركتنا برسمة من الطراز الأسطوري لشخصية Big Boss من سلسلة ميتال جير. الرسمة هذي بالذات أعجبت المشاركين في مجتمعنا، بحيث حصلت على أكثر من 40 اعجاب (+1). نوف من الرسامات اللي أتابع رسوماتهم من زمان على تويتر.
الرهيب ثامر السلمي شاركنا برسمة ممتازة، الشخصية من لعبة Plants vs Zombies. كان ناوي يشاركنا بهالرسمة في المسابقة، لكن للأسف ما قدر ينشرها في وقت المسابقة. ثامر برضه شاركنا برسمة خرافية لشخصية من لعبة كراش، ونشرتها في حساب سعودي جيمر في تويتر.
الرسام ثامر شاركنا لأول مرة، وبرسمة ممتازة للشخصية المعروفة Kratos من لعبة God of War. رهيبه الرسمة، خصوصاً دقة ملامح كريتوس المعصب 🙂
ننهي الموضوع برسمة من الرسام الأسطوري رياض الدوسري، واللي فاز بمسابقة الرسم اللي سويناها. رياض دائماً يبهرنا برسماته الخرافية.
لا تنسى، اذا عندك رسمات رهيبه تبي تشاركنا فيها، شاركنا اياها في مجتمعنا وحنا بننشرها لك في شبكاتنا الاجتماعية، بالاضافة الى اننا بنحطها في الموضوع الأسبوعي اللي نختار فيه رسمات من المجتمع ونحطها، وبرضه بنحطها في برنامج مشهور الأسبوعي على يوتيوب. الموضوع هذا بينزل في كل يوم سبت أو أحد من كل أسبوع. لذلك الفرصة موجودة للكل.
لا تنسى برضه ان الرسمات هذي مجرد رسمات “مختارة” فقط، فيه رسمات رهيبه في المجتمع، لذلك ننصحك انك تاخذ لفه هناك.
شكرًا لكل من شاركنا مواهبه في مجتمعنا.
أخيرًأ، ترا ما فيها شي لو تقول لنا وش أكثر رسمة أعجبتك من الرسمات اللي اخترناها 🙂
محمد ليلة
علي القرعاوي
