في كل أسبوع نجمع بعض (بعض وليس كل) من الرسمات اللي تعجبنا في مجتعمنا، ونعرضها في الموقع. منها عشان أكبرعدد ممكن من المتابعين يشوف ابداعات متابعينا، وبرضه عشان ننوّع شوي في المحتوى.
الأسبوع هذا عندنا محتوى ممتاز. بنستعرض بعض الرسمات مثل ما نسوي في كل أسبوع.
أول رسمة هذا الأسبوع من رسم المبدع عبدالعزيز حكمي، شاركنا بأكثر من رسمة هذا الأسبوع. أعجبتني هذي أكثر من غيرها بسبب فكرتها، تحس انها شخصية عربية بستايل فيديو جيمز.
الرسام الرهيب نواف رسم لنا مشهور. أكثر شي أعجبتني طريقة رسم الشعر، حسيت انه تعب فيها. دقة الأصابع برضه شي رهيب 🙂
مثل ما نقول دايم، ما ننشر كثير لرسمات الانيمي لكن هالرسمة ممتازة لدرجة صعب اننا نتجاوزها. مودي المطيري أرسلها لي على تويتر، وطالبته ينشرها لنا على مجتمعنا عشان أعرضها للكل هنا!
نختم رسمات هذا الأسبوع برسمة من المبدعة دائماً دنيا. الرسمة هذي لشخصية Dante من لعبة Devil may Cry.
مثل ما نذكركم في كل أسبوع، شاركنا برسماتك الرهيبه في مجتمعنا، وحنا بننشرها لك في كل مكان نقدر عليه: بآخذ رابط الرسمة وأنشرها في تويتر بمستخدم سعودي جيمر، وبنحطها في الموضوع الأسبوعي للرسمات، بالاضافة الى اننا بنعرضها في برنامج مشهور الأسبوعي.
شكرًا لكم جميعاً.
