اعلان الفائز في مسابقة الرسم

قبل حوالي اسبوعين، أعلنا عن مسابقة الرسم. كثير منكم شاركنا رسماته الرائعة.

احترنا كثير وحنا نختار الرسمات، كل الرسمات اللي ترشحت للاختيار كانت ممتازة من جد، وفي الأخير اخترنا هالرسمة الرائعة.

الفائز في المسابقة هو رياض دوسري، صاحب الرسمة الرائعة. تقدر تشوف الدقة في الرسمة، بالاضافة الى فكرتها الطريفة والمضحكة. رياض له رسمات ثانية شاركنا فيها حتى بعد المسابقة.

 الفائز في المسابقة بيحصل على بطاقة متجر بلاي ستيشن أو متجر اكس بوكسلايف بقيمة 50 دولار، بالاضافة الى اننا بناخذ رسمته ونعرضها في برنامج مشهور الأسبوعي اللي بدون اسم.

ولا تنسى، ان المجتمع الآن فتحنا فيه قسم خاص للرسمات، متى ما صار عندك رسمة رهيبه تبي تعرضها لنا، حطها هناك وحنا بنشوفها. اذا كانت رهيبه بننشرها في شبكاتنا الاجتماعية عشان يشوفها أكبر عدد ممكن من الناس.

فيه الكثير من الرسمات الرهيبه، لذلك بنسوي موضوع خاص نعرض فيه بعض الرسمات اللي أعجبتنا ولو انها ما فازت بالجائزة. بناخذ بعض الرسمات اللي شاركتونا فيها ونعرضها في برنامج مشهور اللي بدون اسم على يوتيوب 🙂

أخيرًا، نبي نشكر ثامر الفريجي على تنظيمه للمسابقة والجهد الجبار اللي قدّمه لنا.

يعطيكم العافية جميعاً على المشاركة.