يزيد السويري
أعلنت اليوم شركة BioWare أن التحديث الخامس للعبة Dragon Age: Inquisition راح يضيف نظام تخزين أغراض افضل.
في البداية راح يتم إختبار التحديث على لاعبي البي سي وبعدين راح ينزل التحديث على باقي الأجهزة. مكان المساحة الجديدة لتخزين أغراض أكثر راح يكون في منطقة Undercroft في Skyhold. وراح تقدر تخزن الأغراض الللي تعدت الحد المسموح فيه عادة في مستودع اللعبة الأساسي.
ايضا راح يتم إضافة خيار جديد يخليك تصنع بالمواد اللي عندك ألوان عشان تلون اللبس حقك باللون اللي يناسبك. وبعد راح يتم إضافة the Black Emporium وهو موقع تسوق جديد مالكها واحد خالد ( خالد الحالة وليس الإسم ) يبيع أسلحة رهيبة ومواد حرفية وتصاميم جديدة. وأخيرا بيكون فيه خيار يسمح لك أنك تعدل على صوت وملامح وجه شخصيتك باستخدام مرآة التحول السحرية.
نذكر أن BioWare شغالة على توسعة ضخمة للطور الفردي والجماعي في اللعبة لكن لحد الآن الشركة متكتمة على الموضوع وما أعطت أي تفاصيل عن هذه التوسعة.
وش رأيكم شباب في التحديث وهل كان في أحد يعاني من موضوع تخزين الأغراض في اللعبة وينتظر التحديث؟ شاركونا ارائكم في التعليقات.
بارعة
احمد خالد
