أعلنت اليوم EA الشركة الناشرة للعبة دراجون إيج: إنكويزيشن (Dragon Age: Inquisition) عن موعد اطلاق اللعبة، بالاضافة الى عرض جديد وصور جديدة من اللعبة.
موعد الاطلاق بيكون 7 أكتوبر، وبتنزل اللعبة على PC, PS3, PS4, Xbox 360, Xbox One.
أما بالنسبة للعرض فهذا هو:
رهيب العرض، خصوصاً انه يوريك البيئات والمراحل المتخلفة الموجودة في اللعبة. كعادة EA، اذا سويت طلب مسبق للعبة راح يجيك حزمة تحت اسم Flames Of The Inquisition.
الجزء الأول من دراجون ايج أعجب الكثير من عشاق الآر بي جي الغربي، بينما الجزء الثاني كان “حوسه” بما ان EA استعجلت فيه مرة ونزل بدري. واضح ان الشركة تعلمت من الاستعجال، ودليل هذا ان هالجزء ما نزل الا بعد ثلاث سنوات من الجزء اللي جابوا فيه العيد.
الشي اللي محمسني على اللعبة، ولو اني ماني من عشاقها، انها من تطوير bioware اللي سوو ألعاب كثيرة أشهرها ثلاثية ماس ايفيكت (Mass Effect) الخرافية.
وش توقعاتك لهذا الجزء، هل بترجع السلسلة من جديد ولا بيجيبون العيد مرة ثانية؟
