أحمد قربان
برنامج ستيم للالعاب (Steam) فيه ملايين اللاعبين، لكن سؤال عالماشي…قد اتجمعوا الملايين بلعبة وحدة في ذا البرنامج؟ طلعت لنا احصائية جديدة مكتوب فيها ان الويكند اللي راح لعبة دوتا 2 (Dota 2) تجاوزت حاجز المليون لاعب واللي كلهم متجمعين وبيلعبوا اللعبة بنفس الوقت. هذا اكبر عدد للاعبين في تاريخ ستيم كله!
ستيم بكبره تجمع فيه اكثر من 8.5 مليون لاعب في مختلف الالعاب وفي نفس الوقت. اذا جينا نقارن لعبة دوتا 2 باكثر الالعاب اللي تجمع فيها اللاعبين حول العالم راح نلقى ان لعبة ليق اوف ليجندز (League of Legends) واللي نختصرها ب “لول” متكسحة الساحة وبمراحل. لول تجمع فيها حول 5 الى 7.5 مليون لاعب، وازيدك من الشعر بيت هذي الاحصائية للول كانت في عام 2013! لكن من الجهة الثانية، اعلى لعبة بعد لول كانت لعبة كاونتر سترايك: قلوبال اوفينسيف (Counter Strike: Global Offensive) وتجمع فيها حول 420 الف لاعب. لكن الان دوتا 2 عدتها بالضعف وهذا شي ممتاز نسبيا.
بعد كاونتر سترايك عندنا لعبة تيم فورتريس 2 (Team Fortress 2) واللي تجمع فيها قريب ال88 الف لاعب، بعدها لعبة فوتبول مانجر 2015 (Football Manager 2015) وتجمع فيها 71 الف لاعب.
احصائيات قوية في عالم الالعاب وتبين لك ان اللاعبين توجهاتهم مختلفة وكل فئة ماسكة نوع من الالعاب.
اش رايكم بالخبر والاحصائيات؟
احمد خالد
بارعة
